Árið 2004 þegar ég var að vinna að lokaverkefni mínu þá var verkefni mitt hluti af stærra verki sem var kallað GeneralStore eða almenningsverslun/krambúð á íslensku. Það var samt líklegast ekki hugmyndin á bakvið namið. 15 árum seinna þá er ég að vinna í gerð verlsunar sem er kölluð PREEstore og á að selja Öpp. Ég gat því ekki annað en tekið fyrir hugmyndaríki galdramannsins.
Stundum þarf maður að ergja ansi marga þangað til að maður getur unnið sitt eigið verk…
Þessi PiPiTis myndasögustikkla lýsir raunveruleikanum hjá stóru hugbúnaðarfyrirtæki nokkuð vel en er byggð á þekktu póstkorti:
Upphaflega hugmyndin af þessari myndasögu var eitthvað harðari en ég ákvað að gera hana ekki eins beitta en upphaflega hugmyndin rataði svo í aðra PiPiTis ræmu: PiPiTis 48: Nýr þáttur í þáttaröðinni Ófærð: Vinnubekkurinn
Í byrjun þessa árs fékk ég nýjan stjóra (litla hópstjórann) á meðan að gamli stjórinn minn varð ennþá stærri.
Á deildarfundi fyrir ekki svo löngu var okkur sýnt vídeó sem að kúnnar höfðu gert fyrir sitt starfsfólk til þess að kynna okkar hugbúnað okkar fyrir sínu eigin starfsfólki undir yfirskriftinni Happy Helena. Þar sem að við notum okkar eiginn hugbúnað þá ákvað ég að yfirfæra vídeóið á okkar upplifun.
Síðustu mánuði höfum við verið að vinna að verki sem hefur verið kallað Vinnubekkurinn (e. Workbench). Ólíkt fyrri verkum þá átti útgáfutíðnin að vera aukinn úr rúmlega 6 mánuðum í tæpan 1 mánuð. Samt átti t.d. ekkert að breytast fyrir þróunardeildina og það var eins og horft væri framhjá öllum erfiðleikum sem eru í okkar venjulega verkferli. Ég ákvað því að teikna mynd af þessu verki fyrir yfirmenn mína í von um þeir myndu skilja vandamálin betur.
Continue reading PiPiTis 48: Nýr þáttur í þáttaröðinni Ófærð: Vinnubekkurinn
Í upphafi síðasta árs kom einn vinnufélagi minn til mín með hugmynd fyrir svo kallaðan upphafsglugga (splash) innanhús þróunarforrits (DEV Platform) okkar. Hugmyndin var að þróunardeildarstarfsfólkið (þ.e. minions) væri að draga stein í pýramída byggingu, eitthvað svipað og úr bókum Ástríks:
Í upphafi síðasta árs fékk ég ístæði fyrir skrúfu í líkamann, um mit árið var svo skrúfunni skrúfað í ístæðið, nokkrum vikum seinna þá voru vel yfir 10 skrúfum skrúfað í líkama minn, svo að í framtíðinni á ég góða möguleika á að vera með nokkrar skrúfur lausar. Síðasti atburðurinn hafði talsverðar afleiðingar þar sem að ég gat ekki teiknað neitt í nokkra mánuði á eftir en undir lok ársins gat ég loks teiknað að nýju. Ég teiknaði því nýtt PiPiTis dagatal:
Fyrir slysið hafði ég áform um að teikna eitthvað annað en PiPiTis fyrir þessa heimasíðu en varð að fresta því um óákveðin tíma. Síðasta ár var viðburðarríkt og afleiðingar þessara viðburða eiga eftir að koma enn betur í ljós á þessu ári. Hlakka til að eyða með ykkur árinu.
Svalur í hugbúnaðargerð er það nefnt þegar ákveðin staður í forritinu fær viðbót sem passar ekki við hönnun forritsins og maður ætti að laga hönnunina á þessum stað, en þar sem það tekur tíma (=peningar) þá er það ekki gert. Þannig getur þessi staður fengið nokkrar svalir og seinna fá þessar svalir líka svalir, þar til forritið orðin ein alsherjar kaós.
